કુકરમુંડા પોલીસે ગળુ દબાવી મોતને ઘાટ ઉતારનારા બે આરોપીઓની ધરપકડ કરી લીધી છે. સમગ્ર ઘટનાક્રમ પર નજર કરીએ તો પોલીસ પકડમાં આવેલા આરોપીઓ શંકરભાઈ માનસિંગ પાડવી અને વિપુલ માનસિંગ પાડવી છે. આ બંને આરોપીઓ કુકરમુંડાના ગોકુળ ફળીયામાં રહે છે. તો બીજી તરફ વંસતીબેન શરદ પાડવીના પતિ શરદભાઈ માનસિંગ પાડવી (આરોપીના સગા ભાઈ) છે. તેઓ પણ કુકરમુંડા, ગોકુળ ફળિયામાં રહે છે. આ બંને વચ્ચે ઘરની જગ્યા બાબતે બોલાચાલી અને ઝઘડો તેમજ ખેચતાણ થઈ હતી. આ દરમ્યાન આરોપી નંબર 02ના મરણ જનાર શરદભાઈનું ગળુ દબાવી શ્વાસ રૂંધાવી દેતા મોત થયું હતું. જેથી પકડાયેલા શખ્સો પર (ખુન)નો ગુનો દાખલ થયો હતો. તેમજ જાહેનામાનો ભંગ કરી ગુનો કરવા, એકબીજાની મદદગારી કરી ગુનો કરેલ હતો. જે અનુસંધાને નાયબ પોલીસ અધિક્ષક નિઝર વિભાગ અને કુકરમુંડા પોલીસ સ્ટેશનના પોલીસ ઈન્સ્પેક્ટર વી.કે.પટેલ તથા તેમના સ્ટાફના માણસોએ આરોપીઓની વોચ રાખી તપાસ કરતા ગણતરીના દિવસોમાં આરોપીઓને ઝડપી લીધા હતા.
કામગીરી કરનારા પોલીસકર્મીઓ:-
પોલીસ ઈન્સ્પેક્ટર વી.કે. પટેલ
ASI અમીતભાઈ સનમુખભાઈ
ASI શબીરખાન આમલખાન
હેડ કોન્સ્ટેબલ અર્જુનસિંહ વિક્રમસિંહ
પોલીસ કોન્સ્ટેબલ કમલેશ કિશનભાઈ
પોલીસ કોન્સ્ટેબલ પ્રશાંતભાઈ કિશોરભાઈ
પોલીસ પકડમાં આવેલા આરોપીઓને હાલ તો પોલીસે ઝડપી પાડી જેલમાં ધકેલી દીધા છે. નાની-અમથી વાતમાં પરિવારના જ સભ્યનું ગળું દબાવી મોતને ઘાટ ઉતારી દેતા આ મુદ્દે સમગ્ર વિસ્તારમાં ચર્ચનો વિષય બન્યો હતો.
