સામાન્ય સભા બાદ પાછળથી કોઈ વિકાસના કામોમાં ઉમેરો અને ડુબલિકેટેશન ન થાય તે અગે તકેદારીના ભાગરૂપે સામાન્ય સભાની સર્ટિફાઈટ નકલ જે તે સમયે આપવામાં આવે તેવી માગ સોનગઢ નગરપાલિકા પાલિકાના વિરોધ પક્ષના સભ્ય તરીકે બાનું બેન શાબાશખાન પઠાણ તેમજ નાસિર બસીર શેખ દ્વારા માંગ કરવામાં આવી છે. તેમણે પોતાની ફરિયાદમાં જણાવયું છે કે સોનગઢ નગર પાલિકાની સામાન્ય સભા પૂર્ણ થઈ ગઈ છે.
તેમ છતાં પાલિકા સભ્ય તરીકે અવારનવાર સામાન્ય સભાની કાચી પાકી મિનિટ કોપી તેમજ કાચી પાકી ઠરાવની કોપી સહી સિક્કા વાળી માંગવા છતાં પણ ઠરાવની કોપી આપવામાં નહીં આવતા વિરોધ પક્ષના સભ્યોએ લેખિતમાં ચીફ ઓફિસરને ફરિયાદ કરી છે. વધુમાં તેમણે ઉમેર્યું છે કે સામાન્ય સભા પૂરી થયા બાદ પાછળથી વિકાસના કામમાં કોઈ વધારો કે ડુબલિકેટેશન ન થાય જે તકેદારીના ભાગરૂપે વખત તો વખત મળનારી પાલિકાની સામાન્ય સભાના નિયમ મુજબ તમામ વિરોધ પક્ષના સભ્યોને ઠરાવની કાચી પાકી મિનિટ કોપી અને ઠરાવની સહી સિક્કા વાળી કોપી આપવાની તેમણે માગ કરી છે.
