ગુજરાતમાંથી ચોમાસાએ વિધિવત રીતે વિદાય લીધી હતી. બાદમાં ફરી કમોસમી વરસાદ શરૂ થતાં રાજ્યની જનતા ભારે મુશ્કેલીનો સમાનો કરી રહી છે. તેમાંય ખાસ કરીને રાજ્યના ખેડૂતો સતત મુશ્કેલીનો સામાનો કરી રહ્યા છે. હવામાન વિભાગે રાજ્યમાં 3 દિવસ ભારે વરસાદ પડવાની આગાહી કરી છે. ભારે પવન સાથે ખાબકી શકે છે ધોધમાર વરસાદ, હવામાન વિભાગની આગાહી મુજબ ગુજરાતમાં અંદાજે 20 જિલ્લાઓમાં વરસાદનું એલર્ટ આપવામાં આવ્યું.
હવામાન વિભાગે આજે નીચેના જિલ્લાઓમાં આપી છે આગાહી:-
હવામાન વિભાગે આજે પોરબંદર, જૂનાગઢ, અમરેલી, ગીર સોમનાથ, ભાવનગરમાં ઓરેન્જ ઍલર્ટ..દ્વારકા, રાજકોટ, બોટાદ, આણંદ, ભરૂચમાં યલો એલર્ટ..વડોદરા, પંચમહાલ, દાહોદ, નર્મદા, છોટા ઉદેપુરમાં યલો એલર્ટ..સુરત, તાપી, નવસારી, ડાંગ, વલસાડમાં પણ યલો એલર્ટ
આવતીકાલે આટલા જિલ્લાઓમાં હવામાન વિભાગે આપી છે આગાહી:-
31 તારીખે દ્વારકા, પોરબંદર, જૂનાગઢમાં ઓરેન્જ એલર્ટ..વલસાડ, ડાંગ, નવસારી, તાપી, સુરતમાં યલો એલર્ટ..નર્મદા, ભરૂચ, વડોદરા, આણંદમાં પણ યલો એલર્ટ..ભાવનગર, અમરેલી, ગીર સોમનાથ, રાજકોટ, જામનગરમાં યલો એલર્ટ
