છત્તીસગઢ ખાતે 25 માર્ચથી 3 એપ્રિલ 2026 દરમિયાન યોજાયેલા ખેલો ઈન્ડિયા ટ્રાઈબલ ગેમ્સ 2026માં દેશભરના હજારો આદિવાસી ખેલાડીઓએ ઉત્સાહભેર ભાગ લીધો હતો. વિવિધ રમતગમત સ્પર્ધાઓમાં ખેલાડીઓએ પોતાની પ્રતિભા દર્શાવી મેડલ્સ જીત્યા હતા. સ્પર્ધામાં માંડવી તાલુકાના વરજાખણ ગામની મયુરી ગામીતે લાંબી કુદ સ્પર્ધામાં શાનદાર પ્રદર્શન કરી બ્રોન્ઝ મેડલ મેળવ્યો છે.
મયુરીની આ સિદ્ધિથી સમગ્ર માંડવી પંથકમાં ગર્વની લાગણી પ્રસરી ગઈ છે.મયુરી ગામીતે પોતાની મહેનત અને લગનના આધારે આ સફળતા મેળવી છે, જેનાથી સ્થાનિક યુવાનો માટે પ્રેરણારૂપ ઉદાહરણ ઉભું થયું છે. ગામજનો અને પરિવારજનો દ્વારા મયુરીને અભિનંદન પાઠવી તેના ઉજ્જવળ ભવિષ્ય માટે શુભેચ્છાઓ આપવામાં આવી રહી છે
