ગુજરાતમાં અત્યારે સ્થાનિક ચૂંટણીનો બરાબરનો માહોલ જામ્યો છે. આ બધાં વચ્ચે દક્ષિણ ગુજરાતમાં ચૂંટણી પહેલા ભારતીય જનતા પાર્ટીનો દબદબો જોવા મળી રહ્યો છે. ખાસ કરીને દક્ષિણ ગુજરાતમાં કુલ 58 બેઠક પર ભાજપના ઉમેદવારો બિનહરીફ વિજેતા જાહેર થયા છે. નવસારી જિલ્લામાં 42 બેઠક પર ભાજપના ઉમેદવારો બિનહરીફ વિજેતા બન્યા છે.
ચૂંટણી પહેલા જ ગણદેવી નગરપાલિકા ભાજપે કબજે કરી લીધી છે.આ ઉપરાંત ગણદેવી નગરપાલિકામાં 21 બેઠક પર ભાજપ બિનહરીફ વિજેતા થઈ છે. સાથે જ નવસારી મનપામાં 3 બેઠક, જિલ્લા પંચાયતની 6 બેઠક પર ભાજપ બિનહરીફ જાહેર થયું છે. નવસારી જિલ્લામાં તાલુકા પંચાયતની 15 બેઠકો ભાજપ બિનહરીફ જાહેર થયું છે.
વ્યારા નગરપાલિકામાં છ બેઠક પર ભાજપ બિનહરીફ:-
વ્યારા નગરપાલિકાની છ બેઠકો પર ભારતીય જનતા પાર્ટીના ઉમેદવાર બિનહરીફ જાહેર થયા છે. આ ઉપરાંત સાત વોર્ડની 28 બેઠક માટે ભાજપના 28, કોંગ્રેસના 17, આપના 09 અને અપક્ષમાંથી 02 ઉમેદવારના ફોર્મ માન્ય રાખવામાં આવ્યા છે.
