હીન્દીમાં કહેવાત છે ઉંમર કમ ફાઈટ ઝાદા જી હા, સ્ટાર બેટસમેન યશસ્વી જયસ્વાલે ઇંગ્લેન્ડ સામેની પ્રથમ ટેસ્ટની પ્રથમ ઇનિંગમાં સદી ફટકારી પોતાના કેરીયરમાં ઈતિહાસ રચી દીધો છે. યશસ્વી જયસ્વાલે ૧૪૪ બોલમાં પોતાની ટેસ્ટ કારકિર્દીની પાંચમી સદી પૂર્ણ કરી લીધી છે. આ સદી સાથે તેણે ઇંગ્લેન્ડની ધરતી પર પોતાની પ્રથમ ઇનિંગમાં સદી ફટકારનાર માત્ર પાંચમો ભારતીય બેટ્સમેન બન્યો છે. તેમની પહેલા સૌરવ ગાંગુલી સહિત ૫ ભારતીય બેટ્સમેનોએ આ સિદ્ધિ મેળવી ચૂક્યા છે.
144 બોલમાં ફટકારી સદી
ઇંગ્લેન્ડમાં રમતી વખતે પોતાની પ્રથમ ઇનિંગમાં સદી ફટકારનાર પ્રથમ ભારતીય વિજય માંજરેકર હતા. જેમણે ૧૯૫૨માં ૧૩૩ રન બનાવ્યા હતા. તેમના પછી સંદીપ પાટિલ, સૌરવ ગાંગુલી અને મુરલી વિજયે આ સિદ્ધિ મેળવી છે. આપને યાદ અપાવીએ કે યશ્સ્વી જયસ્વાલ અગાઉ પણ પોતાની પ્રથમ ટેસ્ટમાં સદી ફટકારનાર ખેલાડી બન્યા હતો. તેણે પોતાની ટેસ્ટ કારકિર્દીની પ્રથમ ઇનિંગમાં વેસ્ટ
ઇન્ડીઝ સામે ૧૭૧ રનની શાનદાર ઇનિંગ રમી હતી.
ભારત વિરુદ્ધ ઇંગ્લેન્ડની પ્રથમ ટેસ્ટ મેચની વાત કરીએ તો, યશસ્વી જયસ્વાલે કેએલ રાહુલ સાથે ૯૧ રનની ઓપનિંગ ભાગીદારી કરી હતી. કે એલ રાહુલે ૪૨ રન બનાવ્યા બાદ આઉટ થયો હતો. આ ઉપરાંત, જયસ્વાલે શુભમન ગિલ સાથે ૧૨૯ રનની ભાગીદારી કરી. તેણે ઈંગ્લેન્ડમાં રમાયેલી તેની પહેલી ઇનિંગમાં ૧૦૧ રન બનાવ્યા, જે દરમિયાન તેના બેટમાંથી ૧૬ ચોગ્ગા અને ૧ છગ્ગો ફટકાર્યો હતો.
જયસ્વાલ એક મોટા રેકોર્ડની નજીક
યશસ્વી જયસ્વાલ ટેસ્ટ ક્રિકેટમાં ૨૦૦૦ રન પૂરા કરવા માટે બેટ્સમેન બનવાથી માત્ર ૧૦૧ રન દૂર છે. હવે ટેસ્ટ મેચોમાં, તેમણે ૩૭ ટેસ્ટ ઇનિંગમાં ૧૮૯૯ રન બનાવ્યા છે અને તે લીડ્સમાં ઈંગ્લેન્ડ સામે રમાઈ રહેલી મેચની બીજી ઇનિંગમાં સદી ફટકારીને બે હજાર રન પૂરા કરી શકે છે. હાલમાં, સૌથી ઝડપી ૨૦૦૦ ટેસ્ટ રન પૂરા કરવાનો રેકોર્ડ રાહુલ દ્રવિડના નામે છે, જેમણે ૪૦ ઇનિંગમાં બે હજાર રન પૂરા કર્યા હતા. જો પહેલી ટેસ્ટ મેચમાં ટીમ ઈન્ડિયાએ સારી શરૂઆત કરતા ત્રણ વિકટે 359 રન બનાવ્યા હતા. જોકે કેપ્ટન ગિલ અને યશસ્વી જયસ્વાલે સેન્ચુરી ફટકારી હતી. જો કે, ઋષભ પંતે સારી બેટિંક કરી ફિફ્ટી ફટકારી અણનમ રહ્યો હતો.
