સોનગઢ પોલીસ સ્ટેશનમાં થોડા સમય પહેલા ચોરીનો ગુનો દાખલ થયો હતો.મળતી માહિતી મજુબ હિરાવાડી ગામના ડેરી ફળિયામાં રહેતા ફરિયાદીના ઘરની બારીના સળીયાને કોઈ સાધન વડે તોડી ઘરમાં પ્રવેશ કરી ઘરમાં રાખેલા કબાટમાંથી અંદાજે 20 હજારની ચોરી હતી. આ ઉપરાંત સાહેદ દાઉદભાઈ જયતાભાઈ ગામીતના ઘરના છત પર રાખેલા નળીયા ખસેડી ઉપરથી ઘરમાં પ્રવેશી કરી કબાટમાં રાખેલા રોકડા રૂપિયા 10 હજારની ચોરી કરી કોઈ અજાણ્યો ઈસમ ફરાર થયો હતો.
આ ઘટના મુદ્દે સોનગઢ પોલીસ સ્ટેશનમાં ફરિયાદ કરતા પોલીસે ઘટનાની ગંભીરતા સમજી કે.આર ચૌધરી, એ.એસ.આઈ માર્મિક હરેશ, હેડ કોન્સ્ટેબલ દશરથ ભુપતભાઈ, પોલીસ કોન્સ્ટેબલ રાજુભાઈ જીણાભાઈ પેટ્રોલિંગમાં હતા ત્યારે ઉપરોક્ત ગુનાના આરોપી રાણીઆંબા રેલ્વે ફાટક પાસે આવવાની બાતમી મળતા પોલીસનો સ્ટાફ રેલ્વે સ્ટેશન પાસે વોચમાં હતા.તે વખતે આરોપી અવિનાશ ઉર્ફે અવિ અશ્વિનભાઈ ગામીત રહેઠાણ (કાકડકુવા) પોતાની માલીકીની TVS કંપનીની નંબર પ્લેટ વગરની મોપેડ લઈને આવતા તેને રોકી પૂછપરછ કરતા તેણે હિરાવાડી ગામે ડેરી ફળીયામાં આવેલા અલગ-અલગ ત્રણ ઘરોમાંથી રોકડા રૂપિયાની ચોરી કરી હોવાની કબૂલાત કરતા આરોપીની ધરપકડ કરી વધુ તપાસ શરૂ કરવામાં આવી છે.
કામગીરી કરનાર પોલીસ સ્ટાફ:-
ડી.વી. ઢોલા,પોલીસ ઈન્સ્પેક્ટર
કે.આર.ચૌધરી, પોલીસ ઈન્સ્પેક્ટર
એ.એસ.આઈ માર્મિક હરેશભાઈ
હેડ કોન્સ્ટેબલ દશરથ ભુપતભાઈ
પોલીસ કોન્સ્ટેબલ રાજુભાઈ ઝીણાભાઈ
