તાપી જિલ્લા ACBએ SC-ST સેલના મહિલા DySP નીકીતા શીરોયા અને પોલીસ કોન્સ્ટેબલ નરેન્દ્ર ગામીત સામે 1.50 (એક લાખ,પચ્ચાસ હજાર)ની લાંચ લેવા અંગેનો ગુનો દાખલ કર્યો છે. રૂપિયાના લાલચું DySP નીકીતા શીરોયા અને પોલીસ કોન્સ્ટેબલ નરેન્દ્ર રમણભાઈ ગામીતે એટ્રોસિટી અને દહેજ પ્રતિબંધક કાયદા હેઠળ દાખલ થયેલા કેસમાં કાર્યવાહી ન કરવા માટે રૂપિયાની માંગણી કરી હોવાની માહિતી સૂત્રો પાસેથી મળી રહી છે.
DySP અને કોન્સ્ટેબલ દ્વારા 4 લાખ રૂપિયાની માંગણી કરાઈ હતી:-
મહત્વનું છે કે SC-ST સેલના મહિલા DySP અને હેડ કોન્સ્ટેબલ નરેન્દ્ર ગામીત દ્વારા સૌથી પહેલા તો અંદાજે ચાર લાખ રૂપિયાની માંગણી કરવામાં આવી હોવાની માહિતી મળી રહી છે. પરંતુ ફરિયાદી પાસેથી આટલા રૂપિયા ન હોવાથી તેમણે છેલ્લે 1.50 લાખ રૂપિયા આપવાનું નક્કી કર્યું હતું.
ફરિયાદી પાસે રૂપિયા ન હોવાથી ACBનો કર્યો હતો સંપર્ક:-
ફરિયાદી પાસે આટલા રૂપિયા ન હોવાથી તેમણે ACBનો સંપર્ક કર્યો હતો. ત્યાર બાદ બુધવારના રોજ કાકરાપાર પોલીસ સ્ટેશન નજીક આવેલા L&T કોલોની પાસે રૂપિયા આપવાની વાત થઈ હોવાથી છટકું ગોઠવામાં આવ્યું હતું. આ દરમ્યાન હેડ કોન્સ્ટેબલ નરેન્દ્ર રમણભાઈ ગામીત ખાનગી વાહન લઈને લાંચના રૂપિયા લેવા આવ્યા હતા. જો કે તેમને શંકા જતા તેઓ રૂપિયા લીધા વગર ભાગી ગયા હતા. જે બાદ ACBની ટીમે મહિલા DySP અને હેડ કોન્સ્ટેબલ સામે ગુનો નોંધી સમગ્ર બનાવ અંગે વધુ તપાસ હાથ ધરી છે. મહત્વનુ છે કે આ મહિલા DySPએ અને પોલીસ કોન્સ્ટેબલે અગાઉ કેટલા લોકો પાસેથી આ રીતે રૂપિયા લીધા છે તે દિશામાં વધુ તપાસ હાથ ધરવામાં આવી છે.
રૂપિયાની લાલચે ઈજ્જત ગુમાવી:-
રૂપિયાની લાલચમાં ભલભલા લોકો પોતાની ઈજ્જત ગુમાવી દેતા હોય છે. આ કેસમાં મહિલા DySP અને હેડ કોન્સ્ટબલે એટ્રોસિટી અને દહેજ પ્રતિબંધક કાયદા હેઠળ દાખલ થયેલા કેસમાં કાર્યવાહી ન કરવા માટે રૂપિયા માંગ્યા અને સમગ્ર જિલ્લા તેમજ ગુજરાત પોલીસ વિભાગમાં ચર્ચાના કેન્દ્ર પર રહ્યા.
