દિલ્હીના લાલ કિલ્લા પાસે એક કારમાં જોરદાર વિસ્ફોટ થયો હતો, જેના કારણે સમગ્ર વિસ્તારમાં ભયનો માહોલ છવાઈ ગયો હતો. લાલ કિલ્લા મેટ્રો સ્ટેશનના ગેટ નંબર 1 પાસે આ વિસ્ફોટ થયો હતો. વિસ્ફોટ બાદ કારમાં આગ લાગી ગઈ હતી, જેના કારણે અન્ય ત્રણ વાહનો પણ લપેટમાં આવી ગયા હતા. દિલ્હી પોલીસે સમગ્ર વિસ્તારને ઘેરી લીધો છે. વિસ્ફોટમાં ઘણા લોકો ઘાયલ થયા હોવાના અહેવાલ છે, જોકે પોલીસે હજુ સુધી કોઈ નિવેદન બહાર પાડ્યું નથી.
10 ફાયર એન્જિન ઘટનાસ્થળે પહોંચ્યા
દિલ્હી ફાયર વિભાગે જણાવ્યું હતું કે, “લાલ કિલ્લા નજીક વિસ્ફોટ જેવો અવાજ થયો હોવાના અહેવાલ ફાયર વિભાગને મળ્યા હતા. દસ ફાયર એન્જિન ઘટનાસ્થળે પહોંચ્યા છે. લાલ કિલ્લા મેટ્રો સ્ટેશનના ગેટ નંબર 1 પાસે એક કારમાં વિસ્ફોટ થયો હતો, જેના કારણે નજીકના ત્રણ વાહનોમાં આગ લાગી ગઈ હતી. પરિસ્થિતિની તપાસ કરવા અને આગને કાબુમાં લેવા માટે ટીમો મોકલવામાં આવી છે.”
દિલ્હી પોલીસ હવે તપાસ કરી રહી છે કે કારમાં કોઈ વિસ્ફોટક સામગ્રી હતી કે વિસ્ફોટ પાછળ કોઈ અન્ય કારણ હતું. ઘટના બાદ, દિલ્હી પોલીસની એક ટીમ ઘટનાસ્થળે પહોંચી. વિસ્તારના ડેપ્યુટી કમિશનર ઓફ પોલીસ (DCP) પણ હાજર છે.
#WATCH लाल किला मेट्रो स्टेशन के गेट नंबर 1 के पास एक कार में विस्फोट की सूचना मिली थी, जिसके बाद तीन-चार गाड़ियों में भी आग लग गई और उन्हें नुकसान पहुंचा। कुल 7 दमकल गाड़ियां मौके पर पहुंच गई हैं। दिल्ली पुलिस की स्पेशल सेल की एक टीम भी मौके पर पहुंच गई है। अधिक जानकारी की… https://t.co/agjJwJ8UFN pic.twitter.com/GSlfZAuhkO
— ANI_HindiNews (@AHindinews) November 10, 2025
જ્યાં વિસ્ફોટ થયો તે લાલ કિલ્લાની નજીકનો વિસ્તાર ખૂબ જ ભીડભાડવાળો વિસ્તાર છે. વિસ્ફોટના સ્થળે હાલમાં ટ્રાફિક અવરજવર સ્થગિત છે. લાલ કિલ્લા પાસે થયેલા વિસ્ફોટ બાદ સમગ્ર દિલ્હીમાં હાઇ એલર્ટ જારી કરવામાં આવ્યું છે. કેન્દ્રીય તપાસ એજન્સીઓ પણ ઘટનાની તપાસ માટે પહોંચી રહી છે. ગૃહ મંત્રાલયના સૂત્રોના જણાવ્યા અનુસાર, લાલ કિલ્લા પાસે એક મોટો અવાજ સંભળાયો હતો, ત્યારબાદ આગ લાગી હતી. NIA અને NSG ટીમો પણ ઘટનાસ્થળે પહોંચી રહી છે અને ટૂંક સમયમાં વિસ્ફોટના કારણની તપાસ કરશે.
