RSSના વડા મોહન ભાગવતે શતાબ્દી વર્ષ નિમિત્તે દિલ્હીમાં આયોજિત ત્રણ દિવસીય કાર્યક્રમમાં મોટું નિવેદન આપ્યું હતું. મોહન ભાગવતે પત્રકારોના અનેક મહત્વપૂર્ણ પ્રશ્નોના જવાબ આપ્યા હતા. આ પ્રશ્નોમાંથી એક જન્મદર પર હતો. આ પ્રશ્નને જવાબ આપતા તેમણે કહ્યું કે તમારે પ્રચારકને આ પ્રશ્ન પૂછવો જોઈતો ન હતો, પરંતુ હવે જ્યારે તમે પૂછ્યું છે, તો હું ભારતના તમામ લોકોને ત્રણ બાળકો પેદા કરવાની સલાહ આપીશ.
ત્રણ બાળકો નથી તેઓ લુપ્ત થશે
ભાગવતે વધુમાં કહ્યું કે, દુનિયાના બધા શાસ્ત્રો કહે છે કે જેમનો જન્મદર ત્રણ કરતા ઓછો છે, તેઓ ધીમે ધીમે અદૃશ્ય થઈ જાય છે. તો તેને ત્રણથી ઉપર રાખવું જોઈએ. દુનિયાનો દરેક સમાજ આવું કરે છે. બીજું, ડૉકટરો મને કહે છે કે લગ્નમાં વધુ વિલંબ ન કરવો જોઈએ અને ત્રણ બાળકો થવાથી માતા-પિતા અને બાળકોનું સ્વાસ્થ્ય સારું રહે છે. જે ઘરમાં ત્રણ બાળકો હોય છે, ત્યાં બાળકો અંદરોઅંદર ઈગો મેનેજમેન્ટ શીખી લે છે.
હું તો પ્રાણીઓનો ડૉક્ટર છું: મોહન ભાગવત
RSS વડા મોહન ભાગવતે કહ્યું કે હું પ્રાણીઓનો ડૉક્ટર છું, તેમા આ વિષય નથી. મનુષ્યોના ડૉક્ટરો મને આ બધું કહે છે. દેશની જે પોપ્યુલેશન પોલિસી છે તે 2.1 ની ભલામણ કરે છે. એ તો ઠીક છે પણ જ્યારે બાળકો હોય છે, ત્યારે તે એક જ હોય છે. ગણિતમાં, 2.1 નો સૌથી નજીકનો ગુણાંક 2 છે પરંતુ માનવ જન્મમાં, 2 પછી, 2.1 નહીં પરંતુ 3 હોય છે. તેથી, માનવ જન્મના કિસ્સામાં, 2.1 નો અર્થ 3 થાય છે.
ત્રણ બાળકોથી વધુ બાળકો ન હોવા જોઈએ
ભારતના દરેક નાગરિકે જોવું જોઈએ કે તેમના ઘરમાં ત્રણ બાળકો હોવા જોઈએ પરંતુ આનાથી વધુ ન હોવા જોઈએ. હું આ દેશના ભલા માટે કહી રહ્યો છું. પરંતુ આ પેઢીને એવી પણ ચિંતા છે કે કાલે તેમને ખોરાક આપવો પડશે. એટલા માટે વસ્તી નીતિની ભલામણ કરવામાં આવે છે. જો આપણે જન્મ દર વિશે વાત કરીએ, તો દરેકનો જન્મ દર ઘટી રહ્યો છે. હિન્દુઓનો જન્મ દર પહેલાથી જ ઘટી રહ્યો હતો, તેથી તે દેખાઈ રહ્યો છે, પરંતુ અન્ય લોકોએ પાછળથી પગલાં લીધાં, તેથી તેમનો જન્મ દર એટલો દેખાતો નથી. જોકે, તેમનો જન્મ દર પણ ઘટી રહ્યો છે
