સોશ્યિલ મીડિયાના જમાનામાં લોકો ફેમસ થવા માટે અવનવી કરતબ કરતા હોય છે. પરંતુ ક્યારે આવી ઘટના સોશ્યિલ મીડિયામાં વાયરલ થઈ જાય છે. અને પોલીસ હજારો રૂપિયોના દંડ પણ ફટકારતી હોય છે. આ બધાં વચ્ચે ગ્રેટર નોઈડામાં એક વ્યક્તિ બાઇક ચલાવીને તેની ગર્લફ્રેન્ડને ખોળામાં બેસાડીને ગાડી ચલાવતો હોવાનો જોવા મળે છે. આ ઘટના સામે આવતા ગ્રેટર નોઈડા પોલીસે બંને કપલની હરકતો પર ધ્યાન આપ્યું અને વીડિયો બનાવનાર કપલને ચલણ મોકલ્યું. તો બીજી તરફ ગ્રેટર નોઈડા પોલીસે ચલણ સાથેનો વીડિયો પણ સોશિયલ મીડિયા પર શેર કર્યો હતો.
જોખમી સ્ટંટથી મોત પણ થઈ શકે !
સોશિયલ મીડિયા પર બીજા પણ ‘રોમેન્ટિક અને જોખમી’ વીડિયો વાયરલ થતાં હોય છે. પરંતુ આ વીડિયોએ અનેક લોકોનું ધ્યાન ખેંચી લીધું છે. સોશ્યિલ મીડિયામાં વાયરલ થયેલા વીડિયોમાં એક કપલ રસ્તા પર ખુલ્લેઆમ રોમાન્સ કરતો જોવા મળે છે, જે ફક્ત ટ્રાફિક નિયમોનું ઉલ્લંઘન જ નથી કરતું, પરંતુ પોતાના અને અન્ય લોકોના જીવન માટે પણ ખતરનાક સાબિત થઈ શકે છે. વીડિયોમાં સ્પષ્ટપણે જોઈ શકાય છે કે એક યુવક ખૂબ જ ઝડપે બાઇક ચલાવી રહ્યો છે, જ્યારે એક યુવતી બાઇકની ટાંકી પર બેઠી છે અને તે તેના બોયફ્રેન્ડને સંપૂર્ણપણે લપેટાયેલી જોવા મળે છે. કેટલાક કપલોએ ખતરનાક સ્ટંટને રોમાંસનો એક નવો ધોરણ બનાવી દીધો છે. જે રોમાન્સ ક્યારેક જીવનનો છેલ્લો વીડિયો પણ બની જતો હોય છે.
વીડિયો ગ્રેટર નોઈડાના એક્સપ્રેસવેનો હોવાનું અનુમાન !
વાયરલ વીડિયો ઉત્તર પ્રદેશના નોઈડાના યમુના એક્સપ્રેસવેના સેક્ટર-94 પરનો હોવાનું માનવામાં આવે છે. ચાલુ પર બાઈક પર બેસીને અશ્લીલ હરકતો કરતો જોવા મળે છે, જેનાથી લોકો ચોંકી ગયા છે અને ગુસ્સે થયા છે. વીડિયોમાં સ્પષ્ટપણે જોઈ શકાય છે કે છોકરી બાઇકની ટાંકી પર બેઠી છે અને તેના બોયફ્રેન્ડને ગળે લગાવી રહી છે, જ્યારે યુવક બાઇક ખૂબ જ ઝડપે ચલાવી રહ્યો છે. આ સમગ્ર દ્રશ્ય એક કાર ચાલકે પોતાના મોબાઇલ કેમેરામાં રેકોર્ડ કર્યો હતો અને જેનો વીડિયો ઇન્ટરનેટ પર શેર કર્યો હતો.
નોઈડા પોલીસે 53,500નું ચલણ ફટકાર્યું:-
વાયરલ વીડિયોના આધારે પોલીસે કાર્યવાહી કરી હતી જેમાં ટ્રાફિક નિયમોનું ઉલ્લંઘન, જાહેર સ્થળે અશ્લીલતા અને માર્ગ સલામતી પ્રત્યે સંપૂર્ણ અવગણના. જેના કારણ બાબતે ટ્રાફિક પોલીસે બાઇક ચાલક પર રૂપિયા 53,500નું ચલણ ફટકાર્યું છે. નોઇડા પોલીસે તેના સત્તાવાર ઇન્સ્ટાગ્રામ હેન્ડલ પરથી આ વાયરલ વીડિયો પણ શેર કર્યો છે. વીડિયોની સાથે, ચલણની સ્કેન કોપી પણ પોસ્ટ કરવામાં આવી છે, જેમાં દંડની રકમ અને ઉલ્લંઘનો સ્પષ્ટપણે દર્શાવવામાં આવ્યા છે.
ઉલ્લંઘન કરવામાં આવેલા નિયમો:-
હેલ્મેટ વિના વાહન ચલાવવું
જાહેર સ્થળે અશ્લીલ હરકત કરવી
બેદરકારીપૂર્વક વાહન ચલાવવું
બાઇક પર ખોટી રીતે બેસવું
