ઈરાન પાસે છે આ ખતરનાક ત્રણ મિસાઈલ, જેના કારણે ઈઝરાયલથી ડરતું નથી !

ઈઝરાયલ -ઈરાન વચ્ચે યુદ્ધના 9મા દિવસે યુદ્ધ વધુ ઉગ્ર બન્યું છે. ઈરાને ઈઝરાયલની રાજધાની  તેલ અવીવથી જેરુસલેમ સુધી મિસાઈલ હુમલાઓ દ્વારા ઈઝરાયલને નિશાન બનાવ્યું છે. બીજી તરફ, IDFના બદલામાં ઈસ્લામિક રિવોલ્યુશનરી ગાર્ડ કોર્પ્સ (IRGC) કમાન્ડર સઈદ ઈઝાદીનું મોત થયું છે. જેના કારણે મધ્ય પૂર્વમાં તણાવ વચ્ચે રશિયા અને અમેરિકા પણ સામસામે આવી ગયા છે. યુએસ પ્રમુખ ડોનાલ્ડ ટ્રમ્પે કહ્યું છે કે ઈઝરાયલને બોમ્બમારો કરતા રોકવું મુશ્કેલ છે. તો તરફ બીજી તરફ, રશિયનના પ્રમુખ વ્લાદિમીર પુતિને કહ્યું કે ઈરાનને શાંતિપૂર્ણ પરમાણુ ઉર્જાનો અધિકાર છે.

ઈરાનને કેમ દબાવવામાં આવી રહ્યું નથી?

ઈરાન પાસે મધ્ય પૂર્વમાં સૌથી પ્રભાવશાળી લશ્કરી શક્તિ અને વિશાળ શસ્ત્રોનો ભંડાર છે, જેમાં બેલિસ્ટિક મિસાઈલ, ડ્રોન અને અન્ય અદ્યતન ટેકનોલોજીનો સમાવેશ થાય છે. ઈરાનની લશ્કરી ક્ષમતામાં મોટી સંખ્યામાં બેલિસ્ટિક મિસાઈલ અને ડ્રોન તેની તાકાત છે, પરંતુ તેમની ચોકસાઈ ઈઝરાયલ કરતા ઓછી હોઈ શકે છે. આ એવા શસ્ત્રો છે જેના આધારે ખામેનીએ પીછેહટ કરવા માટે તૈયાર નથી.

હાઇપરસોનિક મિસાઈલ ફતાહ

ઈરાનની સૌથી મોટી તાકાત તેની હાઇપરસોનિક મિસાઈલ ફતાહ-1 અને ફતાહ-2 છે. ઈરાને હજુ સુધી યુદ્ધમાં ફતાહ-2નો ઉપયોગ કર્યો નથી. ફતાહ-1 મિસાઇલની ગતિ મેક 5 કરતા વધુ છે, એટલે કે તે ધ્વનિની ગતિ કરતા પાંચ ગણી વધુ ઝડપથી ઉડે છે, જે 11,000 માઇલ પ્રતિ કલાક સુધીની હોઈ શકે છે. તે રડારને ટાળવામાં સક્ષમ છે, જેના કારણે તેને અટકાવવાનું મુશ્કેલ બને છે. ઈરાનનો દાવો છે કે આ મિસાઇલ ઈઝરાયલની હવાઈ સંરક્ષણ પ્રણાલી આયર્ન ડોમમાં પ્રવેશ કરી શકે છે. આ મિસાઇલમાં મિનિટોમાં લક્ષ્યને નષ્ટ કરવાની ક્ષમતા છે, જે તેને પ્રાદેશિક યુદ્ધમાં ગેમ-ચેન્જર બનાવે છે. તેની રેન્જ 1400 કિલોમીટર છે. ફતાહ-2 એ ફતાહ-1 નું અદ્યતન સંસ્કરણ છે. તેની રેન્જ 1500 કિલોમીટર છે. જેના કારણે ઈરાન ઈઝરાયલથી ડરવા માટે તૈયાર નથી.

ખોરમશહર બેલિસ્ટિક મિસાઇલ:-

ઈરાને તેનું નામ ખોરમશહર શહેર પરથી રાખ્યું છે. તે એક પ્રવાહી-ઇંધણ પ્રોપેલન્ટ મિસાઇલ છે, જે 1,500 કિલોગ્રામ સુધીના વોરહેડ વહન કરી શકે છે. તેમાં મિડકોર્સ ગાઇડન્સ સિસ્ટમ છે, જે તેના લક્ષ્યને ફટકારતી વખતે તેનો માર્ગ બદલી શકે છે. આ તેને ચોકસાઇથી હુમલા કરવા સક્ષમ બનાવે છે. તેની રેન્જ 2,000 કિમી છે. આ મિસાઈલના ભારે વોરહેડ અને લાંબી રેન્જના કારણે તે ઈઝરાયલને નિશાન બનાવવા માટે ખતરનાક બની જાય છે. તે ક્લસ્ટર બોમ્બથી પણ સજ્જ થઈ શકે છે.

શાહેદ-૧૩૬ ડ્રોન:-

શાહેદ-૧૩૬ એક સસ્તું, લાંબા અંતરનું અને આત્મઘાતી ડ્રોન છે. તે ૫૦ કિલોગ્રામ વિસ્ફોટકો વહન કરીને ૨૦૦૦ કિલોમીટર દૂરના લક્ષ્યોને નષ્ટ કરી શકે છે. તે રડારથી બચવા માટે પણ સક્ષમ છે. ઈરાને આ ડ્રોનને ઓછા ખર્ચે મોટા પાયે હુમલા કરવા માટે ડિઝાઇન કર્યા છે.