જૂનાગઢની વિસાવદર બેઠક પર ગોપાલ ઈટાલિયાની ભવ્ય જીત

સોમવારે કડી અને વિસાવદર બેઠકની પેટાચૂંટણીના પરિણામ જાહેર કરવામાં આવ્યા હતા. જેમાં જૂનાગઢની વિસાવદર બેઠક પર ગોપાલ ઈટાલિયાની ભવ્ય જીત થઈ છે. આ બેઠકોનું પરિણામ સૌરાષ્ટ્રના નેતાઓની કારકિર્દી પણ નક્કી કરશે તેવા સંકેત મળી રહ્યા છે. ગોપાલ ઈટાલિયા 20મા રાઉન્ડના અંતે 16,594 મતથી આગળ નીકળી ગયા હતા. જેથી વિસાવદર બેઠક ગોપાલ ઈટાલિયાની જીત પાક્કી ગણાય છે. તો બીજી તરફ કોંગ્રેસના ઉમેદવારના વિસાવદર બેઠક પર સપડા સાફ થઈ ગયા હતા. વિસાવદર બેઠક પર કોંગ્રેસના ઉમેદવાર નીતિન રાણપરિયાએ પોતાની હાર સ્વીકારી લીધી હતી. જ્યારે ભાજપના ઉમેદવાર કિરીટ પટેલની વિસાવદર બેઠક પર કારમી હાર થઈ છે. વિસાવદર બેઠક પર ભાજપ-કોંગ્રેસ અને આપના ઉમેદવાર વચ્ચે કાંટે કી ટક્કર હતી. જેમાં આપ પાર્ટીના ઉમેદવારની ભવ્ય જીત થઈ હતી.

વિસાવદરની પેટાચૂંટણીમાં ભાજપે હાર સ્વીકારી

તો વિસાવદરની પેટાચૂંટણીમાં ભાજપે હાર સ્વીકારી લીધી હતી. ભાજપના આગેવાન દિનેશ ખટારિયાએ હાર બાદ નિવેદન આપતા કહ્યું કે, પ્રજાનો ચુકાદો અમે માથે ચડાવીએ છીએ.. કોઇ અપપ્રચાર કરીને એક બેઠક જીતે તેનાથી ફર્ક નથી પડતો.. ખેડૂતોના પ્રશ્નો અને ઇકો ઝોન મુદ્દે કરાયો અપપ્રચાર..વિસાવદરની પ્રજા વિરોધ પક્ષના અપપ્રચારમાં ભરમાઇ હોવાનું કરી ભાજપે પોતાની હાર સ્વીકારી લીધી હતી.

મહેસાણાની કડી પર કોની જીત ?

મહેસાણાની કડી બેઠક પરની વાત કરીએ તો, કડી બેઠક પર રાજેન્દ્ર ચાવડાની જીત થઈ હતી.  કોંગ્રેસ પાર્ટીમાંથી રમેશ ચાવડા, જ્યારે આપ પાર્ટીમાંથી  જગદીશ ચાવડાની કારમી હાર થઈ છે.  મહત્વનું છેકે કડી બેઠક પર કોણ બાજી મારશે તેના પર સૌની નજર હતી પરંતુ ભારે રસાકસી બાદ ભાજપના ઉમેદવાર રાજેન્દ્ર ચાવડાએ બાજી મારી લીધી અને  94,804 મતથી જીત થઈ હોવાની માહિતી મળી રહી છે.

પેટાચૂંટણી મુદ્દે ઋષિકેશ પટેલની પ્રતિક્રિયા સામે આવી:-

કડી બેઠક પર ભાજપના ઉમેદવારની જીત મુદ્દે ઋષિકેશ પટેલે નિવેદના આપતા કહ્યું કે, ગુજરાતની પ્રજાના દિલમાં હંમેશા ભાજપ છે..કડીની જીત એ પ્રજાની જીત હોવાનું ઋષિકેશ પટેલે કહ્યું.. તેમણે વધુમાં કહ્યું કે, ભાજપના સંગઠિત કાર્યકરોની મહેનતને કારણે કડી બેઠક પર ભાજપની જીત થઈ હોવાનું જણાવ્યું હતું.

પેટાચૂંટણીમાં કોંગ્રેસ સંપૂર્ણ સાફ:-

પેટાચૂંટણીમાં કોંગ્રેસ સંપૂર્ણ સાફ થઈ ગઈ છે. ખાસ કરીને કડી અને વિસાવદર બંને બેઠક પર કોંગ્રેસની કફોડી સ્થિતિ જોવા મળી રહી છે. વિસાવદરમાં કોંગ્રેસના ઉમેદવારને 3 રાઉન્ડના અંતે માત્ર 718 મત મળ્યા હતા.. શરૂઆતના ટ્રેન્ડ મુજબ વિસાવદરમાં ફક્ત AAP અને ભાજપ વચ્ચે જ સીધી ટક્કર હતી.