૧૧ પહેલા ફેસબુકે વોટ્સએપને ૧૯ બિલિયન ડોલરમાં ખરીદ્યું હતું. હવે મેટા માટે આ રકમ વસૂલવાનો સમય આવી ગયો છે. વિશ્વના સૌથી લોકપ્રિય કોમ્યુનિકેશન પ્લેટફોર્મ વોટ્સએપે સોમવારે જાહેરાત કરી હતી કે હવે વોટ્સએપ વાપરતા લોકોને એપના કેટલાક ભાગોમાં જાહેરાતો જોવા મળશે. વોટ્સએપની પેરેન્ટ કંપની મેટા પ્લેટફોર્મ્સ સેવાનો ઉપયોગ કરતા અબજો લોકોનો ઉપયોગ કરીને એક નવી આવક સિસ્ટમ સ્થાપિત કરવાની તૈયારી કરી રહી છે.આ જાહેરાતો ફક્ત એપના અપડેટ ટેબ જેમ કે સ્ટેટસ અને ચેનલ્સમાં જ દેખાશે. જેનો ઉપયોગ દરરોજ ૧.૫ બિલિયન લોકો કરે છે. ડેવલપર્સે કહ્યું છે કે તમારી પર્સનલ ચેટ્સ, કોલ અથવા ગ્રુપમાં કોઈ જાહેરાતો દેખાશે નહીં. વોટ્સએપે એક બ્લોગ પોસ્ટમાં કહ્યું, “વોટ્સએપ પર પર્સનલ ચેટ અનુભવ બદલાતો નથી અને પર્સનલ મેસેજ, કોલ અને સ્ટેટસ એન્ડ-ટુ-એન્ડ એન્ક્રિપ્ટેડ છે અને તેનો ઉપયોગ જાહેરાતો બતાવવા માટે કરી શકાતો નથી.
વોટ્સએપમાં થશે મોટો ફેરફાર:-
કંપની માટે આ એક મોટો ફેરફાર છે. વોટ્સએપના સ્થાપકો જાન કુમ અને બ્રાયન એક્ટને પ્લેટફોર્મ બનાવતી વખતે જાહેરાતોથી મુક્ત રાખવાનું વચન આપ્યું હતું. ફેસબુકે 2014 માં વોટ્સએપ ખરીદ્યું હતું અને બંનેએ થોડા વર્ષો પછી તેને છોડી દીધું હતું. લાંબા સમયથી વોટ્સએપમાંથી પૈસા કમાવવાનો પ્રયાસ કરી રહી છે. વોટ્સએપે કહ્યું કે વપરાશકર્તાઓને તેમની ઉંમર, તેઓ કયા દેશમાં છે કે શહેરમાં છે, તેઓ કઈ ભાષાનો ઉપયોગ કરી રહ્યા છે, એપ્લિકેશનમાં તેઓ કઈ ચેનલોને ફોલો કરી રહ્યા છે તેના આધારે જાહેરાતો બતાવવામાં આવશે.
મેટાની કમાણી
મેટાની મોટાભાગની આવક જાહેરાતોમાંથી આવે છે. 2025માં કેલિફોર્નિયાના મેનલો પાર્ક સ્થિત કંપનીની કુલ આવક $164.5 બિલિયન હતી, જેમાંથી $160.6 બિલિયન જાહેરાતોમાંથી પ્રાપ્ત થઈ હતી. જાન્યુઆરી 2025 સુધીમાં વોટ્સએપના 3.14 બિલિયન માસિક સક્રિય વપરાશકર્તાઓ છે. વોટ્સએપે આગ્રહ રાખ્યો છે કે જાહેરાતો બતાવવાથી વપરાશકર્તાઓની ગોપનીયતા જળવાઈ રહેશે. જેથી હવે ટૂક સમયમાં વોટ્સએપ પર લોકોને જાહેરાતો પણ જોવા મળશે.
